პროექტები

პროექტის გეგმა

  

სახელი,გვარი	ბურდული ეკა
ქალაქი,რაიონი	კასპი
სკოლა	შპს ,,ბესიკ ნიპარიშვილი“ მრავალპროფილიანი სკოლა-გიმნაზია
პროექტის დასახელება	გამარჯობა,აფხაზეთო,შენი!
პროექტის შინაარსი	·         მოსწავლეები გაეცნობიან აფხაზეთზე დაწერილ ლექსებს,დღიურებს,ფილმს. ·         ეწვევიან მუზეუმს. ·         საკუთარ შთაბეჭდილებებს კი გადმოსცემენ ნახატის,ჩანახატის სახით. ·         დაწერენ ესეს.
საგანი,რომლის ფარგლებშიც გეგმავთ პროექტს	ქართული ენა და ლიტერატურა,ხელოვნება,ისტ-ი
საფეხური,კლასი	VII-XII კლასის მოსწავლეები
პროექტის ხანგრძლივობა	3 თვე
პროექტის აქტუალობა	აფხაზეთი ჩვენი ტკივილია. სამწუხაროდ,დღევანდელ მოზარდებს ბუნდოვანი წარმოდგენა აქვთ, რა მოხდა ქართველებსა და აფხაზებს შორის.პროექტის მსვლელობის დროს მოსწავლეები დაფიქრდებიან,იმსჯელებენ აღნიშნულ პრობლემაზე.
პროექტის მიზანი,ამოცანები	·         მოსწავლეთა ცნობიერების ამაღლება; ·         შემოქმედებითი უნარების განვითარება; ·         კრიტიკული აზროვნება; ·         ქვეყნის ინტერესების,ტრადიციებისა და ღირებულებების მიმართ საკუთარი პასუხისმგებლობის გააზრება ; ·         ტექნოლოგიურიმიღწევების ეფექტიანად გამოყენება; ·         ინფორმაციის მოპოვება,დამუშავება,ანალიზი.
მოსალოდნელი შედეგები	·         გაიგებენ მეტს აფხაზეთის შესახებ ; ·         იმსჯელებენ პრობლემაზე და დასახავენ სამომავლო გადაჭრის გზებზე; ·         შექმნიან ნახატებს; ·         დაწერენ ესეს.
პროექტისთვის საჭირო ძირითადი რესურსები	. კომპიუტერი,ინტერნეტი,ციფრული კამერა,პროექტორი      . საჭირო ლიტერატურა     . ფორმატისა და თაბახის ფურცლები     . ფანქრები და კალმები
პროექტის მსვლელობა/ძირითადი აქტივობები/	აქტ.1. მასწავლებლის მიერ მოსწავლეთათვის იდეის გაცნობა; აქტ.2. მოსწავლეების მიერ ამ თემასთან დაკავშირებული მათთვის საინტერესო კითხვებისა და პრობლემების ჩამოყალიბება; აქტ.3.ორგანიზაციული საკითხები:    . ჯგუფების შექმნა;    . ფუნქციების გადანაწილება;    . შესასრულებელი სამუშაოების ეტაპებად დაყოფა და  ვადების განსაზღვრა;    .შუალედური და საბოლოო შეფასების დროის განსაზღვრა. აქტ.4.მუშაობის პროცესი; აქტ.5.დასკვნითი ღონისძიება და გამარჯვებულების გამოვლენა.
ამოცანების განსახორციებლად საჭირო საქმიანობები და ვადები	ეტაპები აქტივობა აქტივობის ფორმა ვადა 1-ლი ეტაპი პროექტში ჩართული ჯგუფების თვითწარდგენა მოსწავლეებმა სასურველი ფორმით უნდა გააცნონ ერთმანეთს თავიანთი ჯგუფი 1-9 თებერვალი მე-2 ეტაპი აფხაზი გოგოს დღიურისა და ანა ფრანკის დღიურის შედარებითი ანალიზი ანალიზის საფუძველზე ესეს დაწერა: „ომის შუქ-ჩრდილები“. 10-24 თებერვალი მე-3 ეტაპი შ.ნიშნიანიძის „აფხაზური კანტატას“   იდეური ანალიზი და   ამის  საფუძველზე ნახატის შექმნა “ფერებში დანახული იდეა“. მოსწავლეებმა ფერების საშუალებით უნდა გამოხატონ ის ემოცია, შთაბეჭდილება, რომელიც ამ ნაწარმოების წაკითხვით მიიღეს. 25თებერვალი -4 მარტი შუალედური შეფასება-შეხვედრაზე მოხდება შესრულებული დავალებების მონიტორინგი და შეფასება,  პრობლემებზე საუბარი და სამი საუკეთესო ესეს გამოვლენა, რომლებიც გამოქვეყნდება სპეციალურად ამ პროექტისთვის შექმნილ  ვებ-გვერდზე. მე-4 ეტაპი ფილმის - „სიმინდის კუნძული“ -  ნახვა და მისი განხილვა.  დისკუსია ეწყობა   გიმნაზიაში ,რომლის შემდეგაც მოსწავლეები ქმნიან  ჩანახატებს თემაზე: „ რაც მე მინდოდა მეთქვა“. 5 მარტი-11 მარტი) მე-5 ეტაპი სტუმრად გიმნაზიის ოკუპაციის მუზეუმში  მოსწავლეები ექსკურსიის შემდეგ დაწერენ ვირტუალური მოგზაურობის შესახებ  ,,ჩემი ცხოვრების ერთი დღე აფხაზეთში „ 12 მარტი-31 მარტი

          ჩემი  თვითშეფასების  რუბრიკა

კრიტერიუმები	დიახ	არა
1.პროექტის დაგეგმვის დროს გავითვალისწინე მოსწავლეთა ინტერესები. 2. პროექტი გაწერილ დროში შევასრულე.
3 .არჩეული სტრატეგიით მივაღწიე მოსალოდნელ შედეგებს.
4. მოვახერხე ყველა ბავშვის ჩართვა ყველა ეტაპზე.

მოსწავლეთა მიერ განხორციელებული პროექტის შეფასების კითხვარი

საყვარელო მოსწავლეებო, იმისთვის, რომ მომავალში პროექტზე მუშაობა გავაუმჯობესოთ, მინდა გავარკვიო, როგორ შეაფასებდით მას.

1.      როგორი შთაბეჭდილება დაგრჩა, გასწავლა თუ არა რაიმე ამ პროექტზე მუშაობამ?

ა) ბევრი რამ მასწავლა;

ბ) მასწავლა;

 გ) ახალი თითქმის არაფერი მისწავლია;

დ) ახალი არაფერი მისწავლია.

2.      შეიცვალა თუ არა ამ პროექტზე მუშაობისას ჯგუფის წევრთა ურთიერთობა?

ა) ბევრად უკეთესი გახდა;

 ბ) უკეთესი გახდა;

ბ) ისეთივე დარჩა, როგორიც იყო;

 დ) გაუარესდა;

3.  ნათელი იყო თუ არა შენთვის საკუთარი როლი პროექტის წარმატებით განხორციელებასა და შედეგის მიღწევაში?

ა) სავსებით ნათელი იყო;

 ბ) ძირითადად ნათელი იყო;

გ) არც ისე ნათელი იყო;

დ) სრულიად გაურკვეველი იყო.

4 . ყველაზე მეტად რას შეაქებდი ან გააკრიტიკებდი პროექტში?

ქება:----------------------------------------------------------------------------

კრიტიკა: ------------------------------------------------------------------------

 დიდი მადლობა დახმარებისთვის.

პროექტის შემდგომი რეფლექსია/ თვითშეფასება

მასწავლებელი:   ეკა ბურდული

კლასი:    VI I-XII

თემა:       გამარჯობა, აფხაზეთო, შენი !

პროექტის მთავარი მიზანი რამდენად იქნა მიღწეული? ) —  ამ  პროექტით მოსწავლეებს განუვითარდათ  თანამშრომლობის,კრიტიკული, ანალიტიკური აზროვნების და ანალიზის უნარი. —  მოსწავლეებმა მოიძიეს და დაახარისხეს ინფორმაცია —  მოსწავლეებმა შეძლეს მოძიებული ინფორმაციით PowerPoint-ში სლაიდების აგება,დიზაინის შექმნა. —  მოსწავლემ შეძლო ანალიტიკური ესეს წარდგენა.

რამ იმუშავა წარმატებით პროექტის მიმდინარეობისას? რატომ? პროექტი გეგმის შესაბამისად მიმდინარეობდა.პროექტის დროს მოსწავლეთა თანამშრომლობა მხოლოდ  მაშინ არის ეფექტური, როცა ინიციატივა თითოეული მოსწავლისგან ან ჯგუფისგან მოდის და არ არის  ძალდატანებითი. ჩემმა მოსწავლეებმა  თავად აირჩიეს დავალებები,რაც მათი წარმატების საუკეთესო საშუალება გახდა. პროექტში მუშაობა იყო ხალისიანი და შთამბეჭდავი.     ყველა აქტივობა მიდიოდა გეგმის შესაბამისად და თითოეულს კონკრეტული მიზანი ჰქონდა.

რამ არ იმუშავა და რატომ?       თემა იყო საინტერესო და აქტუალური. მუშაობის პროცესს,ჯგუფების შეკრებას, ინფორმაციის გაცვლა-გაზიარებას გარკვეულწილად ხელს  უშლიდა მოსწავლეთა თავისუფალი დროის სიმცირე.

როგორ შეცვლიდით დღევანდელ  პროექტს?   სხვა პროექტების განხორციელებისას მეტ ყურადღებას მივაქცევ  მოსწავლეების  ასაკსა და შესაძლებლობებს.

რა პროფესიულ მიზნებს დასახავდით პროექტის ანალიზის შემდეგ? პროექტები ემსახურება კონკრეტულ, მნიშვნელოვან სასწავლო მიზნებს. პროექტის გეგმა მოიცავს მნიშვნელოვან კითხვებს, რომლებიც აკავშირებს საგნობრივ სტანდარტსა და მაღალ სააზროვნო დონეს ცხოვრებისეულ მიზნებთან.   პროექტებზე მუშაობის პროცესში მოსწავლეებს უვითარდებათ ცხოვრებისეული, 21-ე საუკუნისათვის საჭირო უნარ-ჩვევები:  .   კარგი თანამშრომლობა;   . გონივრული გადაწყვეტილების მიღება;   . ინიციატივის გამოჩენა;   .  კომპლექსური პრობლემების გადაჭრა;   .  თვითმართვა;   .   ეფექტური კომუნიკაცია;    . პროექტზე მუშაობა მნიშვნელოვნად ზრდის სწავლების შედეგს.     მოსწავლეებს მოსწონთ პრობლემის აღმოჩენა და მისი გადაჭრის გზების ძიება, ისინი აქტიურად არიან ჩართულნი ინფორმაციის მოძიება-გაანალიზებაში და მზად არიან მიღებული ცოდნა გამოიყენონ ცხოვრებაში.ამიტომ კვლავაც აქტიურად ჩავერთვები მსგავს პროექტებში .